ركن نكات الكيزان

[د.هاني أبوالقاسم]

بسم الله ...


ابليس فى المطار على وشك مغادرة البلاد ..
سالوه مالك ؟؟
قال الكيزان ديل كرهونا شغلنا زاتو ..
الواحد تبدأ معاهو فقران ومقطع ونقعد نوسوس ليهو
إستهبل - كذب - غش - اسرق - أنهب - اظلم ..
ولما خلاص يغنى ويتبحبح يعمل ليهو فيلا ولا عمارة
ويجيب لوحة جميلة يكتب عليها
( هذا من فضل ربي ) ..

 (hhh) (hhh) (hhh)

[د.هاني أبوالقاسم]

قالوا ايام الجنوب والحرب مدورة
الكيزان فتحوا ليهم مدينة من مدن الجنوب

اها في ساحات الفدا جابو ليك واحد بتكلم عن المعجزة
قال والحرب مدورة نحن تعبنا وجعنا ومأونتنا كلمت
فقام نزل لينا من السماء دقيق اكلناه وواصلنا حربنا وانتصرنا

ادروب كان بحضر في ساحات الفداء
وادروب مخزنجي حارس ليه مخزن بتاع دقيق
قام من درربة مشى على المخزن وباع كل الفيه وختاه في جيبه
تاني يوم جا المسئول و(المسئول طبعا كوز)
فقام سأل ادروب يا ادروب الدقيق وينو ؟

ادروب قال ليه .. انت ما حضرت ساحات الفدا؟؟
والله امبارح الملايكة تنقل في الدقيق وتوديه الجنوب

[د.هاني أبوالقاسم]

مسطـول مشـى طلبمة بنزين...
 لـقـى زحمـة عربات شـديدة ..!!!
قـال ليهـم : يانـاس فـى شنـو ؟؟
قـالـوا ليهـو : الجـاز مـعـدوم !!
قـال ليهـم العـدمـو منو ؟؟
قـالـوا ليهـو عـوض الجـاز !!
قـال : الله يلعـن أبو دى حكومة...
الجماعة ديل حتى أبواتهم بعدموهم؟؟؟؟

[د.هاني أبوالقاسم]

واحده مسطوله شافت الشاحنات في طريق بورتسودان مليانه تيوس
قامت سالت ديل مودينهم وين التيوس دي قالوا ليها مودينهم السعوديه ....
قالت شكيتك علي الله يالبشير الرجال وديتهم الجنوب والتيوس وديتهم السعوديه
نحنا والغنم نقبل وين ........

[د.هاني أبوالقاسم]

قالواالترابي يوم القيامة دخلوه النار....
قام شاف حواء الطقطاقة فى النار...
زعل زعل شديد جدا وقال ليها ما ممكن انا شيخ حسن الترابي اكون معاك انتي فى حتة واحدة
قالت ليهو سجمي يا راجل نار شنوه كمان...انا جيت احمى دلوكتى ده وراجعة الجنة....

[د.هاني أبوالقاسم]

واحدة بتحكى قالت أيام الجامعة قاعدين لمة بنات وقاعد معانا زملينا مهترش في كنبة واحدة...
قامت جات واحدة كوزة عاملة ما بتصافح سلمت علينا كلنا ولمن وصلته هو مادي ليها يده احرجته زي الترتيب...
وطبعا دي ما المرة الأولى..
اها فلان اتحرق شديد..
 قال ليها ياهناية: الله زاتو قال ما تحكوها معاي عشان ما احكها معاكم

[د.هاني أبوالقاسم]

واحد بلدياتنا تمتام قبضوه ايام كشات الخدمة الالزامية قال ليهم: ما..ما.. ما.. علي خخخدمة إلزااامية. قالوا ليهو: مالك عندك شنو؟
قال ليهم: ب..ب.. بتمتم!! قالوا ليهو: ما في مشكلة تمتم لينا أباريق المجاهدين!!

[د.هاني أبوالقاسم]

حلفاوي قالوا ليهو اتبرع لي دعم الشريعة قال ليهم يا شيخ روح إحنا نميري جابو مجان قلنا مش عاوزين

[asaad]

الترابى سألوهو عن اغنيته المفضلة؟

قال .. متين يا علي تكبر تشيل حملى .. علي كبر شالو هو زاتو

[asaad]

واحد يتصل كل يوم على القصر الجمهورى ... آلو دى السلخانة ؟
سكرتيرة البشير تقول ليهو لا ما السلخانة ...البشير استاء جدا من الكلام دة وقال ليها اسمعى شنو كل ما اجى داخل القاك زى كدة ؟ دى رئاسة جمهورية ولا جزارة ؟ .... تانى اذا سأل قولى ليهو آآآى ...
المهم الراجل اتصل تانى والسكرتيرة قالت ليهو نعم دى السلخانة ..
والبشير بسمع ساكت ... الراجل قال ليها الخروف دة جاء ؟

تخريمة: هوا هوا 999

[asaad]

واحدة ضربت لي حسين خوجلي قالت لي انت ليه ناعم كدة ووشك ناير؟
قال ليها ده من الوضوء ... قالت لي يعني علي الحاج بيتيمم ؟؟!!!

[د.هاني أبوالقاسم]

ايام الانقاذ الاولى طبعا يوسف عبد الفتاح رامبو
كان اصدر قرارات خاصه بموضوع المقاعد العشره الاولى الخاصه بالحريم
و اوصى الجهات الامنيه بمتابعة التنفيذ و كان في واحد عمك عجوز دقس
ركب مع النسوان بقدام فلموا ليك فيهو ناس المباحث كفوف و ضرب
و قالوا ليهو كيف تركب في المقاعد العشره الاولى حقات النسوان طبعا
صاحبنا مشى قعد في الخلف منتظر ليك واحد يجي يدقس علشان يتسد
حقه لكن مافي زوول جا راكب بقدام و فجأة جات واحده شايله جداد
و ركبت بقدام فصاحبنا جا جاري من هناك و قال ليها يا حاجه الجداد ديل
في بيناتهم ديك